بحـث
 
 

نتائج البحث
 


Rechercher بحث متقدم

أفضل 10 أعضاء في هذا المنتدى
redrengar
 
Mona
 
Mido Ahmed
 
dkdk
 
black tiger
 
atomicbetty20
 
الاميرة ميرام
 
doda_cool
 
سعودي
 
ramiyoki
 

المواضيع الأخيرة
» لعبة wheel man برابط واحد كاملة
الخميس يوليو 09, 2015 12:55 am من طرف babay

» الفيلم الاروع على الاطلاق camp rock برابط واحد مترجم
الجمعة أكتوبر 31, 2014 6:06 pm من طرف هنا..

» اسطورة الاكشن scarface the world is yours مضغوطة بحجم 236mb
الإثنين فبراير 25, 2013 9:34 pm من طرف عمر المطلك

» اللعبة الاكثر من رائعة لعبة The mask of Zorro
الخميس فبراير 14, 2013 12:05 pm من طرف kefah

» رائع وشكرا جدا لعبة رائعة
الخميس فبراير 14, 2013 12:00 pm من طرف kefah

» حصريااا ........ لعبة الكابتن ماجد برابط واحد صارووخى !!!!
السبت يناير 12, 2013 7:05 am من طرف karmlove10

» تحميل لعبه X-Men Origins Wolverine تنزيل اكس مان الجديده كامل Pc Game
السبت يناير 12, 2013 6:42 am من طرف karmlove10

» Ratatouille PC Game
الجمعة نوفمبر 23, 2012 4:11 pm من طرف بدر باطهف

» الآن لعبة ((( Dragonball Z دراغمبول زد ))) كاملة وبرابط واحد ومباشر !!!!
الأربعاء نوفمبر 14, 2012 10:48 am من طرف fathi


اسرار fifa2005

استعرض الموضوع السابق استعرض الموضوع التالي اذهب الى الأسفل

اسرار fifa2005

مُساهمة من طرف atomicbetty20 في السبت أغسطس 01, 2009 12:17 pm



الدرس الأول - الزراير الأساسية :

و الكورة معاك :
S باصة على الأرض
A باصة لوب
D شوط
E فتح (جري يعني)
W تمريرة بينية
Q اتحرك يا زفت ( بتجري اللعيب اللي قدامك )

و الكورة معاهم :
S تغير اللعيب اللي انت بتحركه
A شيل ( زحلقة على الكورة )
D اقطع منه ( قطع الكورة وانت قدامه أو جنبه)
E فتح (جري يعني)
W طلع الجون
Q حد يساعد معايا ( بتنادي مدافع تاني يساعد معاك )

Shift الزرار السحري اللي بيعمل كل البلاوي ...


************************************

الدرس الثاني - الفاولات اللي هاتشوط منها عالجون :
هاتلاقي عندك 3 مؤشرات ...
واحد في الجون ...
و احد في نص الكورة ...
واحد تحت على الشمال عبارة عن شريط بالعرض ... الشريط ده مقسم ل 3 مناطق : منطقة خضرا صغيرة (مدي عبور الكرة للحائط) - منطقة برتقالي كبيرة (قوة الشوطة) - منطقة حمرا في الآخر خالص (لو جيت فيها هاتطلع آوت 100%) ...
الهدف : اختيار قوة شوطة كبيرة بس ماتدخلش في الأحمر - المؤشر في النهاية يقف على الحتة الخضرا ...

الخطوات:
1- اختار مكان الشوطة بال cursor اللي في الجون (يستحسن في زاويتك من فوق)
2- اختار اتجاه لف الكورة بال cursor اللي في الكورة ... عن طريق الاتجاهات و أنت دايس على زرار shift (يستحسن في عكس اتجاه زاويتك لتحت)
3- دوس على زرار D ... هاتلاقي المؤشر اللي تحت على الشمال ابتدا يزيد في البرتقالي ... قبل الأحمر بشوية دوس D مرة كمان هاتلاقي المئشر ابتدا يرجع تاني ... طول الحتة البرتقالي تحدد قوة الشوطة ...
4- و المؤشر راجع ... حاول و هو فوق الحتة الخضرا بالضبط تدوس D مرة تالتة ... بحيث توقفه في نص الحتة الخضرا ...
5- اتفرج على الجون ... يستحسن من الأول انك تختار لعيب ال shoot accuracy فيه أعلى لأن الكورة بتبقى قريبة فمش فارق ال shoot power

زي كده :
دا فاول مثالي بس بصراحة Toldo صدها بطراطيف صوابعة ...

إنما دي بقى ماقدرش عليها

و دي كانت النتيجة ...


************************************

الدرس الثالث - حركات مفتكسة :
اللي فيكو كان بيلعب playstation و لعب Winning Eleven ( المصرية و اليابانية ) هايبقى سهل عليه اللي أنا هاقوله ...

1- و انت دايس Q اضغط A : هايرفع الكورة لآخر لعيب قدام و انت باصص لأي حته في الملعب ...
الاستخدام : بواد سنترهاف خلي مدافع الخصم يطلع عليك ... جريه وراك فتبعده عن المهاجم اللي قدامك ... اديهاله مقشرة ...

2- و انت دايس Q اضغط D : شوطة لوب من فوق الجون ...
الاستخدام : لو لمحت حارس المرمى قل عقله و فكر يطلع من جونه ... طبعا لازم تبقى قريب منه (على الأقل في الصندوق) ... و يستحسن تكون انفراد و الجون طالع بس لسه ماترماش عليك ...

3- و انت دايس Q اضغط W : بينية لوب من فوق مدافع لرجل المهاجم...
الاستخدام : لو بينك و بين المهاجم مدافع واحد صعلوك ... حاول تخليه يقرب منك و اعملها ناحية المهاجم (الحركة يعني) ... تشبه بالضبط Q+A مع اختلاف أنها أضعف بكتير و أدق بكتير ...
بص الرسم ده ممكن يوضح كلامي ...

4- وانت علي أي جناح ... دوس A مرتين ورا بعض بسرعة مع التوجيه ناحية الصندوق ... هايعمل over على الأرض ...
الاستخدام : لو في لعيب في الصندوق بيتقدم لوحده هاتوصل قدامه ... ضغطة D صغيرة و هاتها من الشبكة ...


************************************

الدرس الرابع - حركات تقطيع :
اللعبة دي فيها كمية حركات مرقصة وهمية ... لازم تجربوها ...
الحركات دي كلها بتتم باستخدام زرار shift مع الاتجاهات ... بس الموضوع أصعب مما تتخيلوا ...
أهم شيء فيها هو التوقيت ... امتى تدوس و امتى تشيل و امتى تخلي ايدك

هانفترض مبدأيا انك ماشي باتجاه اليمين ... اذا كنت ماشي في أي اتجاه تاني راعي الاتجاهات النسبية ... هانستخدم الرموز دي :
ي = يمين
ش = شمال
ف = فوق
ت = تحت
ع = shift
+ = افضل دايس على آخر زرار دوست عليه ...
- = شيل ايدك من على آخر زرار دوست عليه ...
كل الرموز اللي ورا بعضها معناها "بعدها على طول"
كل الحركات بتبتدي بأنك بتحط ايدك على زرار الshift و بتنتهي بانك بتشيل ايدك من على زرار ال Shift ... و في طول وقت اجراء الحركة مابتشلش ايدك من على زرار ال shift ...

أنا عن نفسي مش فاهم حاجة ... حد فاهم؟

مثال :

( ع + ف - ) معناها انك هاتدوس على زرار الshift ... بعدها على طول تدوس على فوق و انت لسه دايس على shift ... بعديها تشيل ايدك من على فوق ... و في الآخر تشيل ايدك من على shift ...

( ع + ف - ي ) معناها انك هاتدوس على زرار الshift ... بعدها على طول تدوس على فوق و انت لسه دايس على shift ... بعدها على طول تشيل ايدك من على خدك ... قصدي فوق ... و انت لسه حاطط ايدك على shift ... و في الآخر تشيل ايدك من على shift ...

يفضل التمرين على الحركات دي بالترتيب في ماتش تدريب انت و الجون بس ... روح في حته فاضية و اقعد مرقص مع نفسك ... لغاية ما تتقن الحركة بعدها ممكن تتدرب عليها مع الجون (هو أنا ماقلتلكوش؟ الجون بيتمرقص و بيبقى مسخرة) ...

1- مروحة : ( ع )
2- سبعة شمال : ( ع + ف - )
3- سبعة يمين : ( ع + ت - )
4- رفعة للكورة قدامك : ( ع + ش - )

5- مروحة للشمال : ( ع + ي - ف - )
6- مروحة لليمين : ( ع + ي - ت - )
7- تغيير الاتجاه 180 درجة بسرعة : ( ع + ي - ش - )

8- رفع الكرة أمامك للشمال : ( ع + ش - ف - )
9- رفع الكرة أمامك لليمين : ( ع + ش - ت - )
10- رفع الكرة أمامك بقوة : ( ع + ش - ي - )

11- سبعة للشمال بعدها رفعة : ( ع + ف - ش - )
12- سبعة للشمال بعدها سبعة لليمين : ( ع + ف - ت - )
13- سبعة للشمال بعدها لفة (وهمية) : ( ع + ف - ي - )

14- سبعة لليمين بعدها رفعة : ( ع + ت - ش - )
15- سبعة لليمين بعدها سبعة للشمال : ( ع + ت - ف - )
16- سبعة لليمين بعدها لفة (وهمية) : ( ع + ت - ي - )

أنا مش هاقول الاستخدام الأمثل لكل حركة منهم ... هاسيب كل واحد وخياله ...

حاول التمرين كتير على الحركات دي في الأول لوحدك و بعدين و حد داخل عليك ... أنا عن نفسي باعرف أرقص الجون بالحركتين 2 و 3 ... و بادخل الجون بالكورة

مع تحيات

Red Rengar

atomicbetty20
عضو مميز
عضو مميز

عدد المساهمات : 19
تاريخ التسجيل : 21/07/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى